За нас

Основање и организациска поставеност

Централната медицинска библиотека е основана во 1947 година заедно со основањето на Медицинскиот факултет. Во почетокот Факултетот и Библиотеката биле сместени во Централниот хигиенски завод. Во 1949 год. со изградбата на институтската зграда, и Централната библиотека добила свои простории на првиот кат од оваа зграда, а подоцна во приземјето каде и денес се наоѓа. Во 1968 год. е изградена дополнителна едноспратна зграда во дворот на Институтите. Вкупната површина на овие две простории изнесува 545 м².  Во 1969 год. во студентската населба "Невена Георгиева-Дуња" прилагодена е една барака како Sтудентска библиотека и читална со површина од 180 м², каде студентите може да позајмуваат книги и да учат за колоквиуми и испити. Просторот  во кој е складиран книжниот фонд е сосема недоволен, па делумно, овој проблем ќе се реши со магацинскиот простор од околу 100 м² што Библиотеката го доби во новиот Деканат на Медицинскиот факултет во 2003 година. Од основањето до денес Централната библиотека се наоѓа во склопот на Деканатот на Медицинскиот факултет и е под непосредно раководство на Деканот на факултетот.

Оддели

• Оддел за монографски публикации (вклучувајќи и: книги, учебници, докторски дисертации, магистериуми, хабилитации, конгресен материјал, СЗО материјали и друга "сива литература")
• Оддел за периодични публикации (домашни и странски списанија), пребарување бази на податоци, Интернет пристап, мала читална наменета за лекарите
• Студентска библиотека и читална (може да се најдат дел од  основните учебници за учење и полагање на испитите на Медицинскиот и Стоматолошкиот факултет)

Книжен фонд

• 55.000 монографски публикации (заедно со дупликатите)
• 1.400 наслови на списанија (64.800 волумени)
• 355 магистериуми
• 2253 докторски дисертации
• 108 хабилитации

Корисници

• сите лекари вработени на Институтите на Медицинскиот факултет, во Клиничкиот центар, во здравствените домови во Скопје и Републиката и во медицинските центри
• студенти на медицина и стоматологија и рендген техничари
• други биомедицински стручњаци

Вработени

Основна задача на вработените во Библиотеката е на најдобар и најбрз начин да одговорат на потребите на корисниците.

м-р Ленче Даневска, раководител на Библиотеката

Работно време:

Понеделник - петок: 7.00 до 15.00 часот